Prej ditësh aktivistët e “jelekëve të verdhë” bllokojnë rrugët në Francë. Protestat janë shtrirë në një shkallë të gjerë dhe e gjitha ndodhi për shkak të rritjes së cmimit të benzinës. Apeli në rrjetet sociale nxori në rrugë qindra francezë.
Sipas të dhënave të qeverisë, rreth 8000 vetë ishin mbledhur të veshur me jelekë të verdhë në Paris për të demonstruar kundër çmimeve të larta të benzinës, kostos së jetesës dhe një takse ekologjike për naftën, që planifikon presidenti, Emmanuel Macron. Kur disa demonstrues u përpoqën të shkelnin bllokadën e policisë, ajo reagoi me pompa uji dhe gaz lotsjellës. Në të gjithë Francën kanë demonstruar rreth 81.000 vetë.
Duke mos gjetur akoma zgjidhje edhe pse protesta vazhdon prej ditësh, protestuesit kanë gjetur një mënyrë për ti ‘degjeneruar’ institucionet përgjegjëse. Një video që është përhapur me shpejtësi në internet tregon se si ata me anë të një kamioni dhe një pompe spërkatin me fekale disa nga institucionet shtetërore të cilat sipas tyre janë përgjegjëse për taksat.
