Të shumta kanë qenë ankesat nga qytetarëve, pasi nuk dinë se si të përdorin portalin e të bashkëqeverisjes “Shqipëriaqëduam.al”. E ndërsa është propozuar se në 61 bashki të trajnohet një person që t’u vijë në ndihmë.
Por, sot kryeministri Edi Rama ka ftuar shqiptarët që të jenë pjesë e bashkëqeverisjes, duke prezantuar nismën e parë.
“Një grup prindërish që propozojnë reformimin e kalendarit ditor të orëve mësimore. Bëhuni pjesë e bashkëqeverisjes duke u regjistruar në www.shqiperiaqeduam.al“- shkruan Rama ne faqen e tij ne FB.
“Shqetësimi përkonte me shqetësimin e shumë prindërve, nxënësve dhe mësuesve, ndaj ideuam planin mësimor, ngarkesa mësimore dhe pesha e çantës, tre lëndë në 6 ore, në 90 minuta të zhvillohet një lëndë, ndarë në 45 minuta”- tha ideatorja e nismës.
Ndërkohe që vetë Rama ka theksuar se “Kushdo që ka një çështje për të adresuar për mosplotësimin e një të drejte ligjore në raport me zyrat e shtetit, në lidhje me situata që kanë të bëjnë me tentativa për korrupsion, apo zvarritje për të marrë atë që i takon, duhet t’i referohet kësaj platforme”.
Sipas tij, “nismat janë disa, por është përzgjedhur kjo nismë për këtë proces. Së bashku duhet të gjejmë rrugë të reja, për të përmirësuar reformat tona dhe procesin e qeverisjes”.
Pas diskutimit dhe në fund gjetjes së një zgjidhjeje, ku u pranua nisma e këtij komuniteti, Rama ka marrë sërish fjalën dhe ka folur për dy gëzime në një ditë.
“Kemi dy gëzime në një ditë, nga një anë, zgjidhje konkrete dhe shumë praktike që do lehtësojë prindërit, mësuesit dhe ngarkesën e ditës duke e shpërndarë në mënyrë racionale gjatë javës, por edhe gëzimin që mund të japim bashkërisht një provë si praktikë e re qeverisëse, që nëse njerëz të thjeshtë e të zakonshëm që vijnë nga halli dhe marrin kurajën për të besuar jemi këtu për t’iu përgjigjur se e kemi shumë seriozisht këtë praktikë tëre qeverisëse, si element i ri i qeverisjes”- tha ai.
