Ishte një nga krimet më të rënda dhe më misterioze në Shtetet e Bashkuara. Ishte prilli i vitit 1988, kur Tinsley 8 vjeçare u zhduk në rrugë teksa luante me një shok të saj.
Tre ditë më vonë, trupi i saj i pajetë u gjet në një vend 30 milje nga Fort Wayne.
Hetimi zbuloi se Tinsley u përdhunua më parë, pastaj u mbyt dhe u varros në fund. Megjithëse hetuesit siguruan gjurmë të ADN-së, ata nuk arritën ta arrestonin përdhunuesin e vrasësin njëherësh.
Rasti i vrasjes së Tinsley-t shkaktoi një ndjesi trishtimi në botë, madje edhe vite pas vdekjes së saj.
Tani, tre dekada pas krimit të tmerrshëm, hetuesit amerikanë arritën të arrestonin autorin. AND-ja i çoi te John D. Miller, 59-vjeçar.
Ai pranoi se në prill të 1988, e kishte marrë vajzën në makinën e tij, kishte abuzuar seksualisht me të dhe më pas e kishte vrarë. Pa ndonjë brerje ndërgjegjeje, ai jetoi pa kokëçarjë rreth 10 milje nga vendi ku kishte varrosur viktimën 8-vjeçare.
Madje dy vjet pas vrasjes, jo shumë larg nga vendi i ngjarjes, një mesazh në një murr shkruante: “Unë e vrava Tinsley-n, unë do ta vrasi përsëri.” Mesazhe të ngjashme u shfaqën dhe vite më vonë.
