Limuzina e blinduar e Donald Trumpit, njihet ndryshe si “The Beast” (Bisha). Ajo është prodhuar nga kompania amerikane ‘General Motors’ në 12 kopje. Makina ka sistemet më të fuqishme dhe moderne të komunikimit, përfshi telefonat satelitorë. Ajo është e veshur me material antiplumb, që është më shumë se 20 cm i trashë.
Dyert e blinduara, janë po aq të rënda sa ato të një avioni Boeing 757. Edhe gomat janë prodhuar prej kevlari, të projektuara që të ecin, edhe nëse çahen nga plumbat e ndonjë sulmi. Serbatori i karburantit, është i veshur me material special, që e mbron nga shpërthimet. “Bisha”, nuk ka vrima çelësash. Dyert e saj mund të hapen vetëm nga shërbimi sekret.
Përveç maskave kundra gazit, që gjenden nën sediljen ku ulet Trump, në limuzinë gjendet përherë një sasi gjaku nga grupi i presidentit, në rast se ai plagoset. Në rastin e një sulmi, në brendësi të lumuzinës, gjendet një arsenal i tërë armësh automatike, të cilat përdoren nga truprojat e presidentit. Makina peshon gati 9 tonë, ndërsa për shkak të peshës se madhe, shpejtësia maksimale e saj është vetëm 96 km/h. Limuzina presidenciale, ka kosto prej 1.2 milionë dollarësh. Secila nga limuzinat presidenciale që del jashtë shërbimit, shkatërrohet për të fshehur sekretet mbrojtëse.
