Juan Pujol Garcia, ishte në fillim thjesht një rritës pulash në fermën e tij në Spanjë. Ai kishte provuar pa ndonjë sukses hapjen e disa bizneseve të tjera. Edhe gjatë Luftës Civile ra në sy vetëm për dezertimin e tij nga republikanët tek nacionalistët. Por ëndrra e tij më e madhe ishte të bëhej agjent. Ai iu ofrua nazistëve si agjent në Londër, edhe pse nuk dinte anglisht.
Ndërsa më pas britanikëve si agjent i dyfishtë. Por u refuzua si jo i besueshëm. Gjithsesi, Garcia vazhdoi të bëjë gjoja sikur bashkëpunonte me nazistët, duke trilluar raporte të ndryshme. Pas disa kohësh, ato nisën të ngjanin aq të vërteta, saqë po besoheshin jo vetëm nga gjermanët por edhe vetë britanikët. Më në fund britanikët u bindën në aftësitë e tij.
Gjermanët e paguan 340 mijë dollarë (6 mln $ sot), për të ngritur rrjetin e tij agjenturor. Ai shpiku një rrjet agjenturor imagjinar, që u jepte gjermanëve informacione të trilluara, apo gjysmë të sakta. Garcia luajti një rol kyç në bindjen e gjermanëve, se aleatët do të zbarkonin në Ngushticën e Doverit dhe jo në Normandi. Hitleri vendosi shumicën e trupave, pikërisht buzë ngushticës, duke mos parandaluar dot zbarkimin e aleatëve. Ironikisht, Garcia u nderua me urdhrat më të lartë të nderit si në Gjemani ashtu edhe në Britani. Pas luftës, duke iu frikësua një hakmarrje, ai trilloi edhe vdekjen e tij, dhe shkoi të jetojë në Venezuelë.
