Bayer Munich u ndal në një barazim dramatik një natë më parë në Champions League i cili përfundoi 3-3. Thomas Muller do të mbahet mend në këtë sfidë, jo se dhuroi spektakël me topin në këmbë, por për atë ndërhyrje horror në minutën e 75’ ndaj argjentinasit, Nikolas Taljafiko.
Vetëm dy sekonda i mjaftuan për ta kuptuar gabimin, por pendesa nuk e ndryshoi mendjen e gjyqtarit francez Klement Turpin, i cili i dha të kuqin e dytë të karrierës së tij, pas atij që ka marrë nëntë vite më parë ndaj Bordosë.
Ndëshkimi me të kuqe do t’i heqë mundësinë e pjesëmarrjes në takimin e parë të fazës me eliminim direkt, por ekziston dhe një opsion ku dënimi mund të jetë më i rëndë, në rast se komisioni i etikës dhe disiplinës pranë UEFA-s vendos ta shqyrtojë ndërhyrjen në fjalë.
