Një shpërthim i kontrolluar është kryer sot nga Inspektorati Kombëtar i Mbrojtjes së Territorit në Fier. Për të kryer shpërthimin u përdorën 24 kilogram tritol, ndërsa u shkatërruan dy ndërtesa disa katëshe.
Shembja e ndërtesave u bë pasi Bashkia e Fierit ka planifikuar rehabilitimin e lumit Gjanica dhe ndërtimin e pedonales së qytetit.
Në momentin e shpërthimit, në qytet është dëgjuar një zhurmë e fortë, gjë që ka trembur qytetarët që nuk kishin dijeni për shpërthimin, por fatmirësisht nuk ka pasur të lënduar.
Nga zbatimi i këtij projekti, deri më tani janë shembur me lëndë eksplozive 22 banesa.
