Update/Teksa deputetët e opozitës ishin në foltoren e Kuvendit kreu i grupit parlamentar socialist Taulant Balla kërkoi që të hiqej dorë nga diskutimet dhe të kalohej me një herë në votim.
“Shqiptarët nuk duan fjalë po vepra, votoni sepse në secilën për zonat nga keni ardhur mezi presin investime nga rrjeti vaditës. Zoti kryetar i Kuvendit dua t’u kërkoja të hiqnim dorë nga diskutimet dhe të kalojmë menjëherë në votim”, tha Balla.
Kreu i Kuvendit, Gramoz Ruçi pranoi propozimin e Ballës duke kaluar menjëherë në votim, teksa opozita vijonte të fliste në foltore. Pas votimit maxhoranca largohet nga salla.
Ndërsa pas largimit të PS-së, dhe pas fjalës së Petrit Vasilit dhe Flamur Nokës, është ish-kryeministri Sali Berisha ai i cili po flet nga foltorja e Kuvendit.
Berisha ka lëshuar akuza në adresë të kryeministrit Rama.
“Ai dhe klika e tij ka bërë zgjedhjen mes Evropës që është jetike për të gjithë ne dhe drogës që mbush kontot bankare me qindra milionë euro, ata kanë zgjedhur drogën. Sepse janë ata që në 2016 e universalizuan, që ajo të mbillej në çdo skaj të vendit, se nga 24 kg kokainë të regjistruara në tetë vitet para tyre, vetëm një vit pasi erdhën në pushtet në fabrikën e Xibrakës ku i vëllai i Noriegës kishte rol kryesor erdhën 550 kg dhe u bë fabrika më e madhe e kokainë në Ballkan, për të mos folur për ngarkesë 1 mijë kilëshe që shpërndahen dhe kanë bërë që vendi të quhet qendër operacionale e krimit rajonal”– tha Berisha.
Berisha ka numëruar rastet sipas tij kur Rama ka faktuar lidhjet dhe mbrojtjen që i bën ai krimit.
“Se kur policët ndalën Bardhok Planën, ai urdhëronte lirimin e tij të menjëhershëm, kur u mor policia nga policia kolumbiane për 613 kg kokainën, bëri gjithçka, ndërroi edhe drejtorin, por kur dështoi deklaroi se e kapi pa asnjë ndihmë. Rama është rilindasi për të cilën bëhet fjalë në telefonatat me të dashurën Met Kanani, “Eskobari “tjetër. Do fitojë rilindësi i thoshte e dashura Met Kanani, Kanani mik kishte Gramozin”– tha Berisha.
VIDEO/PLAS KAOSI NË KUVEND, RUÇI NDËRPRET SEANCËN PËR HERË TË TRETË
Ka rinisur pas 30 minutash mes tensionesh seanca në Kuvend. Pas ndërprerës për dy herë radhazi, kreu i Kuvendit, Ruçi ka folur për rendin e ditës, por opozita ka bllokuar sërish foltoren, gjë që ka detyruar Rucin të ndërpresë sërish seancën.
FJALA E EDMOND SPAHOS
Video/Plas kaosi në Kuvend, ndërpritet sërish seanca
Opozita ka bllokuar sërish foltoren e Kuvendit, sapo seanca ka nisur. Dhe teksa kreu i Kuvendit, largoi mediat, kreu i opozitës Lulzim Basha ka vijuar me planin B, atë të transmetimit live në faqen e tij në Facebook.
Ndërprerja e seancës erdhi pasi deputetja Albana Vokshi po fliste jashtë rendit të ditës. Ajo kërkoi të thirret me urgjencë në seancë dëgjimore kryerdaktori i gazetës “Rilindja Demokratike”, Blendi Kasmi më 4 qershor. “Zbardhjen e kësaj ngjarjeje të rëndë dhe sigurimin e jetës së gazetarëve”, tha Vokshi.
Por pas rifillimit të seancës fjalën e ka marrë deputeti i PD-së Edi Paloka, i cili ka folur me një sërë akuzash për kryeministrin Rama. Edhe këtë herë kryeparlamentari Ruçi është detyruar të ndërpresë seancën, jo për 10 minuta por për 30 minuta.
“Është Edvin Rama kapoja i mafies dhe krimit në Shqipëri, për këtë arsye janë këta ministra që janë që do të dalin të gjithë, kanë babalet e tyre këta të tjerët, me radhë do dalin e le të thotë pastaj që opozita po pengon integrimin. I kërkojmë shkarko Fatmir Xhafajn e ky ça bën, liron Saimir Tahirin.
Ai tha se i vetmi hall i Ramës është të mbrojë të vetët. “Ka filluar duke mbrojtur kryetarët e bashkisë që vuri vetë të inkriminuar, vazhdoi me deputetët që vuri vetë, të inkriminuar, sot laku i ka ardhur tek ministrat, të parët janë ministrat e Brendshëm, të tjerët do vazhdojnë më pas, nga Tahiri te Xhafaj. Kjo është e vetmja punë dhe i vetmi hall që ka kryeministri”, tha Paloka më tej.
Kreu i Kuvendit Gramoz Ruçi ndërpreu sërish seancën për gjysmë ore.
