Dy 23-vjecarë shqiptarë me inicialet M.E. e K.H, banues në qytetin e Altamurës në provincës e Barit, janë arrestuar nga policia italiane me akuzën e grabitjes me armë, raportojnë sot mediat lokale.
Në shtator të 2017-ës, ata kanë grabitur 4 biznese në Altamura duke i kërcënuar pronarët e tyre me armë zjarri. Bizneset e grabitura janë një furrë buke, një dyqan artikuj shtëpiak e një biznes tregtimi cigaresh.
Sipas policisë italiane, dy shqiptarët e arrestuar janë dhe autorët e grabitjes së 16 shtatorit të 2017 në një supermerkatë në qytetin e Andrias. Arrestimi i tyre u bë i mundur falë një hetimi prej një viti e falë imazheve të telekamerave të sigurisë të pozicionuar brenda bizneseve të grabitura. Dy të rinjtë shqiptarë aktualisht ndodhen në burgun e Barit në dispozicion të autoriteteve të drejtësisë italiane.
