Update/Është zbuluar identiteti i dy shqiptarëve që humbën jetën në një aksident tragjik të ndodhur në Greqi. Mjeti i tyre është përplasur nga një trajner i cili drejtohej nga një shtetas grek, në gjendje të dehur.
Rezulton se Spiro Guri i datëlindjes 1958 dhe Dhimitër Pabuko i datëlindjes 1953, gjetën vdekjen e menjëhershme, ndërsa një tjetër shtetase shqiptare, 34-vjeçarja Balerina Guri ndodhet në spital në rrezik për jetën.
Mediat greke, bëjnë me dije se aksidenti ndodhi në të gdhirë të ditës së sotme, në autostradën që lidh zonën Kifisu me Pireun. Sipas policisë, shoferi grek ka humbur drejtimin e mjetit dhe ka përplasur dy mjete të tjera.
Policia ka vënë në pranga shoferin e trajlerit dhe ka nisur hetimet për zbardhjen e dinamikës së ngjarjes. Trupat e viktimave u dërguan në morgun e Athinës për ekspertizë mjekoligjore.
Spiro dhe Balerina, janë babë e bijë, raportojnë mediat greke.
“Çdo mëngjes, Spiro çon vajzën tonë në punë. Tani kam humbur burrin tim dhe vajzën e kam në prag të vdekjes nën kujdesin intensiv të mjekëve”, ka thënë gruaja e shqiptarit që humbi jetën, në një rrëfim të rishte për mediat greke.
I tërbuar është shprehur edhe nipi i viktimës së dytë të aksidentit tragjik, shqiptarit 60-vjeçar Dhimitër Pabuko.
Zemërim ka shprehur edhe nipi 34-vjeçar i viktimës së dytë të aksidentit, shqiptarit 60-vjeçar.
“Nëse e gjej, do ta vras me duart e mia”, ka thënë 34-vjeçari shqiptar për mediat greke, duke iu referuar shoferit të kamionit që shkaktoi aksidentin fatal.
Sipas mediave në vendin fqinj, shoferi i kamionit që shkaktoi aksidentin e rëndë, ka pësuar dy fatkeqësi në jetë. Disa vite më parë, atij i kanë vrarë vëllain kurse më pas i vdiq edhe djali në një aksident me motor.
Video/Aksident tragjik në Greqi, vdesin dy shqiptarë
Dy shqiptarë kanë gjetur vdekjen si pasojë e një aksidenti të ndodhur në Greqi. Mjeti me të cilin ata po udhëtonin është përplasur me një trajler i cili drejtohej nga një shtetas grek, i cili rezulton të ketë qenë në gjendje të dehur në timon.
Mediat greke, bëjnë me dije se aksidenti ndodhi në të gdhirë të ditës së sotme, në autostradën që lidh zonën Kifisu me Pireun. Sipas policisë, shoferi grek ka humbur drejtimin e mjetit dhe ka përplasur dy mjete të tjera.
Identiteti i shqiptareve 60-vjeç dhe 65 vjeç ende nuk është bërë i ditur , ndërkohe që thuhet se e plagosur ka mbetur edhe një vajze është transportuar ne spital.
https://youtu.be/8HpUVSytUf8?t=1
