Në një konferencë për media nga selia blu, kreu i PD-së, Lulzim Basha është shprehur se Rama dhe Xhafaj, dua të eliminojnë “dëshmitarin x”, i cili del në audio përgjimin e vëllait të ministri, Agron Xhafaj. Në një video të publikuar sot, PD ka zbuluar se kush është “dëshmitari x”, i njohur si Albert Veliu.
“Xhafaj është përcjellë me nderime policie për në Itali. Qëllimi i dërgimi i tij atje nuk është për të vuajtur dënimin, por të krijuar alibi sepse Prokuroria e Ramës dhe Policia e Xhafajt nuk e arrestojnë dot dhe nuk e marrin dot në pyetje. Prej 72 orësh, policia e Xhafajt, prokuroria e Ramës dhe mafiozë po ushtrojnë terror mbi “dëshmitarin x”. Ata po bëjnë presion mafioz ndaj tij dhe familjes së tij”- tha Basha.
Më herët të enjten, duke paralajmëruar të tjera publikime rreth kësaj çështjeje, Basha tha nga Kuvendi se gjithçka është publikuar deri më tani në lidhje me “skandalin Xhafaj” është vetëm maja e ajsbergut.
“Faktet për të nuk do të vonojnë, por sot është dita të dëgjoni përsëri, me zë dhe me figurë, faktet e pakundërshtueshme se jo vetëm që audiopërgjimi është autentik, e nuk mund ta ekspertojë këtë vila e Surrelit, por edhe pse dëshmitë, faktet për rolin e Agron Xhafajt si koka e krimit të organizuar janë të plota dhe të thella. Ajo që keni parë dje dhe pardje është vetëm maja e ajsbergut, edhe ajo që do të shikoni sot është akoma mbi ujë. Nuk doja kurrë ta thoja edhe unë këtë, por fjalët në gjuhën shqipe kaq janë: Edi Rama, Fatmir Xhafaj nuk keni parë asgjë akoma.”
