Është duke u luajtur në “Selman Stërmasi” sfida miqësore mes Shqipërisë U-21 dhe Maltës U-21. Pas një ecuria për t’u harruar në eliminatoret e Europianit U-21 ku kuqezinjtë u renditën në vendin e parafundit me 7 pikë në 10 ndeshje, skuadra e Alban Bushit, do kërkojë të rikthehet te fitorja, pas plot 6 ndeshjes. Teksa triumfi i fundit daton në 5 qershor përballë Bjellorusisë me rezultatin 3-2.
Pjesa e parë është mbyllur në avantazhin e dy golave në favor të kuqezinjve, ku shënoi sulmuesi shkodran i Partizanit, Hebaj dhe mesfushori Imeri.
Rubin Hebaj ka gjetur rrugën e rrjetës, pas një aksioni model dhe kombinimeve të shumta, sulmuesi i Partizanit ka gjuajtur bukur në hyrje të zonës duke shënuar. Në tribunë i pranishëm edhe trajneri Gega si dhe drejtori Olsi Rama.
Mesfushori Imeri që aktivizohet te Shkëndija e Tetovës, shënon nga pika e bardhë e penalltisë, duke dyfishuar rezultatin.
