Trajneri i Napolit, Carlo Ancelotti, mori një vendim të çuditshëm në prag të ndeshjes me PSG, ku la në stol Elseid Hysajn dhe preferoi Mario Ruin. Alarmi ishte dhënë ditë më parë që: “Sfida më e vështirë te PSG-Napoli do të jetë për krahët e mbrojtjes së Ançelotit. Ajo do të jetë prova e tyre e zjarrit”.
Një mbrëmje tërësisht për t’u harruar ishte ajo e mbrojtësit të Napolit, që realizoi një autogol në portën e tij. Ai i lejoi hapësirën e gjuajtjes Di Marias në golin e dytë, ndërsa gjatë gjithë takimit ishte një “fantazmë” në fushë. Ironia dhe tallja e tifozëve të Napolit ndaj lojtarit të tyre ka nisur e nuk ka të përfunduar, duke qenë në nivelet më të larta, nëse mund të shprehemi në këtë mënyrë.
Por kulmi është arritur në minutën e 75. Pasi Mario Rui ndodhej në duel me Mbappen dhe u hipnotizua paska nga numrat e francezit. Por do të ishte Kulibali që do i sosej durimi dhe do të shtynte Ruin te kundërshtari, për t’i kujtuar detyrën e tij dhe arsyen se përse ndodhej në fushë. Ndërkohë që në ndeshjet e fundit, në krahun e Ruit, atë të majtin, është aktivizuar Hysaj.
