Sot është zhvilluar seanca e parë stërvitore e kombëtares shqiptare e drejtuar nga trajneri Christian Panucci dhe stafi i tij. Ajo që është vënë re në sfidën e parë ishte se jo të gjithë lojtarët ishin në formë të mirë.
Dy legjionarët e Kombëtares, Eros Grezda dhe Ermir Lenjani u dalluan që ishin disi me probleme. Mesfushori i Rangers, mbante akull tek kofsha . Një shenjë aspak e mirë kjo, pasi kujtojmë që është në formë të mirë të momentit, duke arritur që edhe në fundjavën që lamë pas të shënonte me skocezët.
Ndërsa në stërvitje ishte edhe risia më e re e kombëtares kuqezi, ish-kapiteni i 21-vjeçarëve të Kosovës, Ardian Ismajli.
Kujtojmë që Shqipëria luan sfidën e fundit përballë Skocisë ditën e shtunë, në orën 20:00, në stadiumin “Loro Boriçi” të qytetit të Shkodrës. Kjo sfidë gjithashtu është përballja e fundit që do të kenë kuqezinjtë e Panuccit sa i përket kompeticionit, “Liga e Kombeve”.
