“Askush nuk do ta mbrojë fanellën tonë ashtu si ti, askush nuk do të presë të pamundurën si ti, askush nuk do të jetë si ty”. Juventusi përmes një video rreth dy minuta të shpërndarë në Twiter ka nderuar legjendën e portës, Gianluigi Buffon. në video tregohen momentet më të bukura që ka kaluar ai tek bardhezinjtë.
Kjo është një nga disa prej mënyrave me të cilat Juventusi ka vendosur t’i bëjë homazhe 40-vjeçarit italian ose më saktë kampionit dhe njeriut që të shtunën në sfidën ndaj Veronës do t’i japë lamtumirën Juventusit, pas 17 viteve karrierë me bardhezinjtë. Nuk mund të të themi gjë tjetër veçse një fjalë, Kapiten. Faleminderit! Me këto fjalë përfundo video e publikuar nga kampionët e Italisë.
