23-vjeçari Vilson Brahaj, i cili u prangos nga ana e policisë pasi ka vendosur sasinë prej 500 gramë lëndë plasëse tritol në banesën e Xhelal Dacit, babait të Gazmir Dacit, ka pranuar se ka marrë 5 mijë euro për këtë shërbim të kryer.
I riu, kundrejt pagesës ka vendosur sasinë prej 500 gramë lëndë plasëse tritol, në banesën e Xhelal Dacit, babait të Gazmir Dacit. Ai është paguar për të vendosur tritolin, por nuk ka treguar kush janë porositësit, ndërsa policia po heton në konfliktin që familja Daci ka me atë Kolaveri.
https://tiranatoday.com/tritol-ne-banesen-e-te-denuarit-per-vrasje-policia-ndalon-nje-24-vjecar/
Para grupit hetimor, ai ka deklaruar se ka marrë 5 mijë euro, për të vendosur tritolin. Sipas tij, gjithçka e ka bërë për shkaqe ekonomike, dhe se nuk ka asgjë personale me Xhelal Dacin.
“Mora 5 mijë euro për të vendosur tritolin në banesën e Xhelal Dacit. Nuk kam asgjë me Xhelal Dacin, por gjithçka e bëra për para, pasi jam i papunë. Tritolin e bleva dhe e montova në Fushë-Krujë”.
23-vjeçari, lindur në Kukës dhe banues në Kamëz, Tiranë, vendosi 500 gramë lëndë plasëse në banesën e shtetasit Xhelal Daci. Menjëherë pas kryerjes së krimit, ai ka hedhur në lumë, tek “Ura e Tapizës” rrobat e përdorura gjatë kryerjes së krimit, ndërsa automjetin e kishte fshehur në një bodrum afër “Urës së Tapizës”.
