Një ish-agjent i shërbimeve sekrete ruse është gjetur në gjendje tepër të rëndë shëndetësore sëbashku me të dashurën e tij në Britaninë e Madhe. Sergei Skripal, 66-vjeç dhe një 33-vjeçare që e shoqëronte u gjetën pa ndjenja pranë një qendre tregtare në Salisbyri të Anglisë.
Dyshohet se ata mund të jenë helmuar me substanca të rrezikshme, për zbulimin e të cilave atyre po u kryen të gjitha analizat në një spital në Londër.
Por, vajza e tij Julia Skripal, ishte gëzuar kur një mik i saj shpresonte që presidenti Vladimir Putin do të burgosej.
Julia, 33 vjeç, që besohet të jetë goditur nga e njëjta substancë e panjohur si babai i saj. Kishte komentuar në letrën e një fëmijë të shpërndarë në “Facebook”, duke e cilësuar Putinin ‘presidentin më të keq në botë’.
Në rrejtet sociale, tregohet se ajo kishte shkuar në Londër së basku me babain e saj në vitin 2010.
Më vonë ajo ishte zhvendosur në Southampton, Hampshire, duke punuar në një Holiday Inn.
Ajo ka lëvizur nga Britania e Madhe për në Rusi, duke punuar për Nike dhe PepsiCo në Moskë, sipas të dhinëve në rrjete e saj sociale.
Sipas saj, ajo shkoi në shkollë dhe universitet në Moskë dhe jetoi në Maltë kur ishte e re.
Koloneli Skripal, një ish-agjent i shërbimeve ruse të zbulimit u dënua në vitin 2006 me 13 vite burg për tradhti kombëtare, i akuzuar si agjent i dyfishtë. Një gjykatë në Moskë e shpalli fajtor se i kishte dhënë shërbimit britanik të zbulimit MI6, informacione për agjentët rusë që vepronin në Britaninë e Madhe. Por që prej vitit 2010, ai jeton në Britaninë e Madhe. Fitoi statusin e refugjatit politik pas një shkëmbimi spiunësh mes Londrës dhe Moskës.
Zëdhënësi i presidentit rus Dimitri Peskov e konsideroi tragjike ngjarjen dhe ofroi ndihmën e Moskës në hetimet për zbulimin e rrethanave. Por ky rast është i ngjashëm me vrasjen në vitin 2006 të ish-agjentit rus Aleksandër Litvinenko. Ai humbi jetën në një spital në Londër, pas helmimit me lëndën radioaktive Polonium. Zyrtarët britanikë thanë se bëhej fjalë për një vrasje politike prapa të cilës fshihej Moska. TIRANA TODAY
