Kryeministri Edi Rama ka qenë i pranishëm në Ishëm ku ka ngrënë një drekë më përfaqësues të agroturizmit. Nga aty, përpara sipërmarrësve Rama është shprehur se në Shqipëri ka potencial të madh për zhvillimin e turizmit ku ndër të tjera ka theksuar se shqiptarët janë punëtorë të mëdhenj kur dalin jashtë vendit, por kur janë këtu e kanë mendjen të shajnë Kryeministrin.
Me tej kreu i qeverisë ka theksuar se kishte qenë në një hotel me kryebashkiakun e Durrësit në të cilin gatuanin 6 kuzhinierë turq pasi ka mungesë të profesionisteve shqiptarë.
“Problemi është se shqiptarët janë punëtorët më të mëdhenj kur janë jashtë. Sepse jashtë nuk e kanë Kryeministrin në “Facebook” që të thono “o legen, o mashtuers na le pa punë” populli nuk ha bukë e tjerë e tjerë. Por shkojnë atje dhe nuk kanë as deputetë as parti që të shkojë të futet nëpër partira që të kapi ndonjë vend pune atje. S’kanë fare fare nga këto.
Kanë vetëm mendjen zemrën dhe krahët edhe bëjnë çudira. Këtu ndryshon puna. Këtu është mentaliteti që është krijuar, futen nëpër piramida, futen nëpër punë shteti me partira, jep diplomat pa hapur librin. Shkatërro arsimin profesional, thuju të gjithëve që ju jeni për juristë. Dhe pastaj ja ku jemi.
Në vendin tonë vijnë saldatorë nga Tajlanda. Ai hoteli ku shkova unë me Vangjushin kishte 6 kuzhinierë turq. Tani pse, sepse është lënë një boshllëk plot 25-vjet”,-tha Rama.
