Sasi e madhe kokaine dhe heroine që dërgohej nga Lombardia drejt Cagliarit dhe pastaj përfundonte në Ogliastra dhe Sarrabus, është sekuestruar nga autoritete italiane. Nga shitja e saj banda kishte siguruar një fitim prej gati shtatë milionë euro brenda shtatë muajve.
Policia italiane ka goditur një rrjet trafiku të drogës, e mes të arrestuarve ka përfunduar ne pranga edhe një shtetas shqiptar, i quajtur Armando Ndoja, banues në Paderno Dugnano, në provincën e Milanos.
Ai është personi që shihni në fotot me poshtë të publikuara nga mediat italiane.
Sipas hetimeve të nisura që më 2015, grupi e blinte drogën në Shqipëri. Të përfshirë në hetime, përveç Ndojës, janë edhe qytetarë të tjerë shqiptarë, të cilët janë shpallur në kërkim.
Heroina e kokaina dërgohej përmes korrierëve në zonën e Milanos e prej andej në Sardenja, gjithçka falë njohjeve që kishin shqiptarët që përbenin bandën.
Hetimet kanë qenë të ndërlikuara, pasi trafikantët i përdornin celularët për katër ditë e pastaj i ndryshonin, ndërkohë që për të komunikuar përdornin vetëm mesazhe.
Në 24 tetor te vitit 2015, në Muravera janë arrestuar edhe dy korrierë, një shqiptar e një lituanez.
Burimi: Unionesarda.it
Përshtati: Tirana Today
