Autoritetet shqiptare duhet të ndërmarrin masa ndaj një kopshti zoologjik në Fier. Kushte në të cilat mbahen kafshët janë tronditëse.
Fotot e marra në kopshtin zoologjik Safari Park në Fier, tregojnë një luan “të kequshqyer”. Ai jeton në një kafaz të ngushtë dhe njërin sy e ka të lënduar.
Kafshë të tjera, duke përfshirë një zebër, një ujk dhe disa drerë, janë parë të mbyllur në një kafaz betoni.
Imazhet thuhet se u janë kapur nga një fotograf anonim. Ai ka dashur të denoncojë kushte skandaloze në të cilat mbahen kafshët.
Imazhet tregojnë luanët dhe kafshët e tjera që lëngojnë në kafaze të shkreta dhe të pista të rrethuara nga mbeturinat e tyre. Aty pranë nuk shikohet asnjë mjet ku ata mund të pinë ujë. Ushqimi është shumë i paktë.
Fotografi ka pohuar se i ka parë nga afër kushte makabre. Më tej aktivisti ka thanë: “Të gjitha kafshët mbahen në kafaze të vogla”.
Kafshët vuajnë nga një sërë çështjesh fizike dhe psikologjike të shkaktuara nga kushtet e mjerueshme. Ndaj tyre nuk behët as kujdesi veterinar.
Organizata Ndërkombëtare e Mirëqenies së Kafshëve, e cila ka qenë aktive në Shqipëri vitet e fundit, e quajti situatën në kopshtin zoologjik ‘absolutisht të papranueshëm’.
“Situata në Safari Park nuk është e përshtatshme, veçanërisht për kafshët e mëdha të egra si luanë dhe arinj që kanë nevoja specifike mjedisore dhe dietike”, tha Ioana Dungler, e cila kryeson Departamentin e Kafshëve./TIRANA TODAY/
