Një aksident i rëndë ka ndodhur në qendër të Athinës e për pasojë ka ndërruar jetë një shqiptar dhe e dashura e tij. Autoritete greke bëjnë me doje se janë vënë në ndjekje të makinës tip “Xhip”, të zi që përplasi për vdekje çiftin e ri, Sokolin 26-vjeçar nga Shqipëria dhe Veronikën 23-vjeçare nga Polonia, e më pas u largua.
Aksidenti i rëndë ku humbën jetën dy të rinjtë ka ndodhur të dielën, në orët e para të mëngjesit, kur çifti Sokol Shkurti dhe Veronika Kiueek, po ktheheshin në shtëpi. Ata ishin duke ecur në këmbë kur në rrugën “Agiu Meletiu” u përplasen nga një makinë.
Në reportazhin e Star Channel dëshmitarët rrëfejnë momentet e frikshme, ndërsa i ati i Veronikës, Slavimir Kiupek kërkon drejtësi, të gjendet shoferi që nuk mori mundimin të jepte ndihmën e parë.
“Dua të gjej njeriun që vrau vajzën time dhe të dashurin e saj”, shprehet babai i 23-vjeçares Slawimir Kiueek.
