Banorët e fshatit Kafaraj në qytetin e Fierit mesditën e djeshme janë shprehur për kamerat e “Top Channel” lidhur me shkakun e tre përmbytjeve të ndodhura gjatë vitit 2017. Pas protestës për serat e përmbytura të luleshtrydheve, gazetarët bënë një vëzhgim në vendin pranë Ferrasit ku banorët thonë se është bërë ngushtimi i shtratit të lumit Vjosë
Çdo gjë që duket mbi sipërfaqen e ujit, janë vetëm inerte bunkerësh betoni të hedhur në shtratin e lumit gjatë punimeve për ndërtimin e autostradës Levan-Vlorë.
Për tre përmbytjet e ndodhura më 2017 dhe në shkurt të këtij viti, banorët tregojnë me gisht nga ura. Nga këto përmbytje janë prekur 7 fshatra të dy njësive administrative Levan dhe Frakull në Fier si dhe disa njësi administrative të Vlorës.
