Natën mes 17 dhe 18 prillit të këtij viti një 27-vjeçar senegalez u gjet i vrarë më dy plumba në rrugën “Coletti” në Rimi, të Italisë.
Për këtë ngjarje të rëndë autoritete italiane kanë vënë në pranga dy kushërinj shqiptarë të cilët janë: Genard Dulaj, 28 vjeç, dhe Artmir Mehmetllanaj 22 vjeç, të cilët gjithashtu janë hetuar për një ngjarje të ndodhur mesnatën e 31 Marsit në “Santarcangelo”, ku u shënuan të shtëna me armë zjarri.
Të dy të dyshuarit janë në burg që nga mbrëmja e 18 prillit, arrestuar nga policia në Rimini. Mbrëmjen e vrasjes së Makha Niang, ata u ndaluan nga karabinierët jo larg vendngjarjes.
Ndërsa përpara autoriteteve në Rimini, ka dhënë dëshminë e tij një shok i ngushtë i njërit prej të akuzuarve. Ai ka treguar se çfarë i rrëfeu njëri nga shqiptarët pas ngjarjes së rëndë.
Kjo dëshmi mund të jetë një pikë kthese për vrasjen e të riut senegalez. Një shok i njërit prej të arrestuarve, nga Magrebi, sikundër shkruajnë mediat italiane u ka thënë hetueseve: “Ai më rrëfeu vrasjen”.
Sipas dëshmisë së tij, pasi edhe ky ndodhet ne paraburgim për këtë ngjarje, ai kishte qenë me të dashurën e tij kur shqiptari kishte pasur nevojë të fliste me të pas krimit dhe i kishte treguar ngjarjen e rëndë.
“Nuk mund ta mbajë më të fshehtë. Unë e qëllova atë, por nuk desha ta vrisja. ” Këto janë fjalët që i riu nga Magrebi u ka thënë magjistratëve, fjalë të cilat ia kishte thënë shoku i tij shqiptar. Më tej ai është shprehur se shqiptari i kithëte thënë se: “Kështu që vetëm një zezak vdiq”. Të hënën në mëngjes ndodhi incidenti ku dy shqiptarët e gjetën veten përballë me të burgosurin e akuzuar, i cili konfirmoi versionin e tij të fakteve. Të dy të arrestuarit tani mohojnë gjithçka, por hetimi nuk ndalet.
Burimi: teleromagna24.it
Përshtati: Tirana Today
