Lagjia e vjetër e Athinës, Eksarkia, është djepi i anarkizmit në Greqi. Banorët e saj të vjetër, i përkasin kryesisht shtresës së mesme, dhe janë të mirë-arsimuar. Megjithatë, e shohin shpesh dhunën dhe aktet e terrorit, si përgjigjen e duhur ndaj autoriteteve shtetërore. Në këtë lagje, ka bazën edhe organizata terroriste e ekstremistëve të majtë “17 Nëntori”, përgjegjëse për të paktën 23 vrasje që nga viti 1975.
Një ndër drejtuesit e saj tashmë në burg Savas Ksiros, është piktor në profesion. Eksarkia, është një lloj barometri i nivelit të tensioneve politiko-sociale në vend. Policia thuajse nuk patrullon asnjëherë në brendësi të zonës, pasi kjo konsiderohet një provokim nga ana e banorëve.
Trazirat e mëdha, që mbërthyen Greqinë në dimrin e viteve 2008-2009, në fillim të krizës ekonomike, e patën fillesën pikërisht në këtë lagje. Shkak u bë vrasja nga policia e 15-vjeçarit Aleksis Grigoropulos. Në Erkarkia, jetojnë edhe emigrantë, mes tyre shqiptarë. Disa prej tyre dyshohet se janë madje pjesë e organizatave anarkiste si “17 Nëntori”.
