Banorët e Verrisë në Fier kanë protestuar sot kundër ndërtimit të impiantit të mbetjeve. Fatkeqësisht, kjo protestë është shoqëruar me dhunë dhe përplasje me policinë, teksa kjo e fundit ka tentuar të shpërndajë banorët.
Ngjarja është raportuar nga faqja “Nisma Thurje”, ku janë publikuar disa video, ku duken fare qartë momentet e përplasjes së policisë me banorët.
Madje, njërit prej tyre, i bie thuajse të fikët:
“Shikoje shikoje ça bëri shteti, e vrau shteti, qelbësira, na morën zvarrë si lecka”, dëgjohet teksa thërret një prej protestuesve.
“Banoret e Vërrisë po rrihen sepse refuzojnë helmimin e tokave të tyre nga mafia e plehrave. Media hesht, opozita hesht!”, shkruan “Nisma Thurje”.
