Tomi është ariu, që u mbajt në Shqipëri për shumë vite i mbyllur në kafaz. Ai njihej si Ariu i Dehur, teksa çdo ditë pinte disa birra, praktikë kjo për t’i bërë të lumtur klientët e një restoranti.
Por, çfarë ndodh sot me ariun Tomi, që shumë prej nesh e mbajnë mend pikërisht se konsumonte alkool?
Sot Tomi ndodhet në pyllin e arinjve në Prishtinë, ku është sjellë në vitin 2016 nga organizata për mbrojtjen e kafshëve Four Paws (Katër Putrat).
Ai ndodhet në gjendje të mirë shëndetësore, por duhet thënë se ka hasur shumë vështirësi në kurimin e tij, teksa mëlçia dhe mushkëritë kanë qenë të dëmtuara nga alkooli.
