Në një artikull tabloidi italian Corriere Della Sera, shkruan mbi përfshirjen e shqiptarëve në trafikun dhe transportin e drogës, dhe se si ata përdoren nga italianët për ta dërguar drogën nga Roterdami drejt gjithë Evropës.
Prestigjiozja italiane e nis shkrimi e saj duke cituar: “Jemi në Roterdam, një nga portet më të mëdha të Evropës”.
Nga ky port nisen mallra legale dhe ilegale drejt kontinentit të vjetër e po këtu është përqendruar dhe biznesi më i madh i trafikut të drogës për llogari të klaneve të mafies italiane.
Pse? Sepse është e vështirë të bësh kontrolle cilësore dhe sepse ekziston një sistem korrupsioni midis punonjësve të portit që po përhapet përherë e më tepër.
“Në volumin e madh të mallrave që tranzitojnë në këtë port kalon dhe një sasi e madhe mallrash ilegale”-thotë David Ellero, shefi i sektorit te kriminalitetit ne Europol.
Ndërsa, kreu i policisë holandeze Wilbërt Paulissen, thotë se “është e pamundur të kontrollohet gjithçka, edhe pse kemi arritur rezultate të testuara, siç janë për shembull 15-16 tonë drogë të sekuestruara në këtë port gjatë viteve të shkuara. Kontrollet ndaj dërgesave nga Evropa janë më pak të kontrolluara pasi i rezervohet vëmendje e madhe atyre qe nisen nga Amerika e Jugut. Prandaj dhe mafia përfiton nga kjo”.
Gjithashtu, gazeta ka kontaktuar dhe më Prokurorin e Përgjithshëm të anti-mafies italiane Federiko De Raho, i cili ka theksuar se në këtë drejtim i jepet më shumë peshë fitimit se sa kontrollit të një aksioni specifik anti-mafia.
“Në portin e Roterdamit,ekzistojnë sisteme kontrolli nga më modernet, por tendenca është ti jepet gjithnjë më shumë rëndësi rezultatit ekonomik e në veçanti dëmit që mund të sjell ndalimi i një kontenieri”- thotë ai, duke shtuar se “Ndalimi i 1000 te tillëve, do të sillte vonesa dhe do te krijonte probleme”.
“Kemi një sërë problemesh”- thotë Koen Vaskuil, duke shtuar se mallrat drejt portit të Roterdamit nisen me lehtësi e kriminelët janë të bindur se dërgesat e tyre mund të kalojnë pa probleme të mëdha.
“Kjo është arsyeja se pse mallrat ilegale janë gjithnjë e në rritje. Ka ndodhur që në një kontainer të vetëm të sekuestrohen rreth 1000 tonë kokainë”- shton ai.
Ndërkohë, duke folur per persdonat e mnudshëm të cilët janë të përfshire në këtë rrjet trafiku, media italiane numëron, turq, shqiptarë, serbë, si dhe persona me origjinë nga Karaibet apo Antillet.
“Prania e krimit të organizuar italian nuk perceptohet për shkak të aleancës së tyre me grupet shqitpare, të cilët kryejnë punët e pista të italianëve. Ky fakt është zbuluar nga policia holandeze”- shkruan gazeta.
Autori i librit “Maffia Paradjis”, Koen Vaskuil shkruan për arrestimin e disa shqiptarëve në këtë port. Kur u zbuluan, u vu re se ata kishin pasaporta fals italiane dhe nga kjo u zbulua lidhja e tyre me mafien italiane.
Hetimet vërtetuan se trafikantët e drogës qe njihet si Ndragheta punonte përmes portit të Roterdamit. Mes tyre doli je emër, ai i ndërmjetësit Vincenzo Roccisano i cili së bashku me një femër në Holandë trafikonin rregullisht 150 kg kokainë.
Wilbert Paulissen, shefi i policisë holandeze pranon ekzistencën e mafies italiane dhe punën qe ajo bën aty.
“Mafia Italiane është dhe punon në këtë port, por punon me sasi të vogla droge, e që këtu me pas bëhet shpërndarja për në Evrope”- thotë ai. TIRANA TODAY
