Një mbledhje e tensionuar dhe me shumë debate ka qenë ajo e ditës së sotme në Komisionin e Medias në seancën dëgjimore lidhur me prishjen e Teatrit Kombëtar ku të pranishëm ishin ministrja e Kulturës Mirela Kumbaro dhe kryetari i Bashkisë Erion Veliaj. Mes këtij të fundit dhe kryetares së Komisionit Albana Vokshi ka pasur një debat të ashpër me njërit-tjetrin.
Në këtë seance ishte e ftuar vetem ministrja e Kulturës Mirela Kumbaro, ndërsa kryetari i Bashkisë së Tiranës nuk kishte qenë i ftuar në këtë seancë dëgjimore. Kryetarja e Komisionit Albana Vokshi i kishte kërkuar që të dilte nga Komisioni madje kërkoi edhe ndërhyrjen e gardës. Por garda nuk iu përgjigj thirrjeve të Vokshin dhe ajo detyrua dhe i bëri thirrje edhe kryeparlamentarit Gramoz Ruçi që të ndërhyjë pasi garda nuk i është përgjigjur thirrjeve të saj.
Ndërsa në Komision ka pasur edhe përplasje fizike mes deputetëve të opozitës dhe gardës të cilët ishin vënë në mbrojtje të Veliajt. Pas shumë debatesh Veliaj është larguar nga Komisioni e pas tij është ngritur dhe larguar edhe ministrja e Kulturës Mirela Kumbaro si dhe të gjithë deputetët e mazhorancës. Pra mazhoranca braktisi punimet e Komisionit, ku do të mbahej një dëgjesë me ministren e Kulturës Mirala Kumbaro për çështjen e Teatrit. /TIRANA TODAY/
