Shumë njerëz i përdorin për vezët dhe mishin. Por patat janë në fakt një ndër kafshët më vigjilente rrotull njeriut. Ato kanë një dëgjim dhe shikim të shkëlqyer, ditën dhe natën. Për këtë arsye, janë përdorur shpesh si rojtare, me një efikasitet shumë më të madh sesa qentë. Mos e harroni: Një tufë patash shpëtuan Romën nga shkatërrimi, pas sulmit të beftë natën nga Galët francezë.
Një manual për sigurinë e objekteve industriale në SHBA, i rekomandon ato për mbrojtjen e magazinave dhe aseteve të tjera. Raportohet se patat janë përdorur për të mbrojtur Komandën e Mbrojtjes Ajrore të Shteteve të Bashkuara në Gjermani, apo si rojtare të distilerisë së famshme të një uiski në Skoci. Së fundmi, ato po përdorën masivisht në Kinë, si roje nëpër komisariatet e policisë.
Kjo praktikë nisi një stacion policor në provincën Xinjiang. Një burrë u përpoq të hyjë fshehurazi për të marrë motoçikletën e tij të konfiskuar, kur patat dhanë alarmin. Që në atë moment, dhjetëra komisariate policie në Kinë, kanë nisur të përshtatin hapësira për mbajtjen e patave, dhe për t’i përdorur ato si rojtare objekti në vend të qenve.
