Më shumë se një ton marihuanë lundronte në det të hapur në afërsi të Ulqinit, kanë konfirmuar zyrtarët e policisë. “Paketat e çuditshme” në det u vunë re nga peshkatarët, ku ata menjëherë kanë njoftuar policinë kufitare, të cilët zbuluan skenën e pazakontë.
Ndërsa dyshohet se droga po kondrabandohej nga trafikantë shqiptarë, të cilët me anë të gomoneve dërgojnë sasi të mëdha droge drejt Italisë nëpërmjet deti, raporton tabloidi “Alo”. Kohët e fundit, tre shtetas shqiptarë iu arratisën policisë italiane, të cilët po dërgonin një motoskaf me drogë drejt vendit të tyre.
Por, droga e cila është zbuluar ishte e paketuar në paketa të vogla, dhe kishte dalë në sipërfaqe të detit. Ndërsa ende nuk ka dalë shifra zyrtare e sasë së lëndës narkotike të sekuestruar, dyshohet se pesha e drogës është rreth 1.3 ton. Të dhënat e para tregojnë se një gomone me motor të fuqishëm e ka hedhur drogën në det.
Drejtoria e Policisë njoftoi se rreth 11 milje në det, në grykëderdhje të lumit Bojana, është gjetur një sasi droge e cila arrinte vlerën 1.332 paund. Droga ishte e paketuar në 62 pako, dhe arrinte peshën e 1.3 tonë, dhe dyshohet se ajo po trafikohej nga shqiptarë. Vlen të kujtojmë se në maj të viti që lamë pas një sasi e madhe drogë u zbulua po në afërsi të Ulqinit, ku u arrestuan dy persona.
Burimi: Alo
Përshtati: Tirana Today
