“Faleminderit të gjithë bamirësve dhe emisionin Stop”, kështu shkruan “Fundjavë Ndryshe”. Me anë të një shënimi në rrjetin social “Facebook”, fondacioni ka postuar një material video.
Në video shikohen anëtarët e familjes Murataj, nga fshati Bruzëmal, Krujë. Atyre u është blerë shtëpi e re në Tiranë.
“5 fëmijët jetimë bëhen me banesë të re në Tiranë. Ta Gëzoni!
Sot ato nuk duhet të ecin 3 orë për në shkollë sepse shkollën e kanë 2 minuta larg ?
Faleminderit të gjithë bamirësve dhe emisionin Stop ♥️ “Bamirësia nuk të varfëron” #fundjavendryshe
”, shkruhet në shënim.
Familja prej 8 anëtarësh, 5 fëmijë, nëna, gjyshi dhe gjysha, janë sjellë në Tiranë. Kryefamiljari i familjes Murataj ka ndërruar jetë nga një sëmundje e rëndë. Në kushte të vështira ekonomike dhe në mes te maleve, kjo familje ishte e lënë në mëshirë të fatit. Shtëpia e familje po shembej dhe anëtarët e saj rrezikonin jetën.
https://tiranatoday.com/videomes-mjerimit-e-varferise-fundjave-ndryshe-i-blen-familjes-me-5-jetime-shtepi-ne-tirane/
Vetëm pak ditë më parë, “Fundjavë Ndryshe” dhe Emina Cunmulaj, kanë udhëtuar në këmbë për të parë nga afër kushtet e kësaj familje. Atje nuk kishte rrugë për automjetet për të arritur deri në fshatin e largët.
Por, familja është sjellë në Tiranë dhe është bërë me banesë të re. Fëmijët e familjes kenë mundësi të shkollohen dhe e gjithë familja të ketë një të ardhme më të mirë./TIRANA TODAY/
