Conor McGregor ka shpërthyer ndaj UFC e cila ka vendosur ti heqë titullin kampion bote në peshën pupël pasi ka rreth dy vite që nuk e mbron atë titull. Këtë gjë ia ka bërë të ditur të gjithë luftëtarëve të cilët kanë mbërritur në Brooklyn për UFC 223.
McGregor dhe shoqëria e tij janë futur rrufeshëm në Barclays Center pas ditës së medias së UFC 223 të enjten dhe ka shkaktuar trazira që kanë dëmtuar Michael Chiesa, një nga luftëtarët që do të ndeshet të shtunën.
Chiesa pritet të ndeshet me Anthony Pettis të shtunën në mbrëmje. Për momentin nuk dihet se sa serioz është dëmtimi i tij. Ariel Helwani i MMA Fighting ka raportuar se McGregor ka sulmuar një furgon të mbushur me luftëtarë që ishin duke u larguar nga arena, duke goditur mjetin me karrige.
Helwani raporton se McGregor urdhëroi një luftëtar të paidentifikuar të zbriste nga furgoni përpara se të bllokohej nga rojet e sigurimit. Khabib Nurmagomedov thuhet të ketë qenë në furgonin e sulmuar. Videot e skenës së McGregor mund të shihen më poshtë.
