Në Detroit u mbajt funerali i legjendës muzikore amerikane, Aretha Franklin, e njohur ndryshe si mbretëresha e muzikës spirituale, e cila vdiq më 16 gusht në moshën 76-vjeçare.
Miqtë dhe dashamirës kaluan përpara arkivolit të saj prej floriri, të vendosur në Tempullin Greater Grace.
Në ceremoninë e lamtumirës morën pjesë personalitete të njohura muzikore si dhe politike duke përfshirë ish presidentin Bill Clinton dhe këngëtarin Stevie Ëonder.
E njohur për hitet si “Respect” and “Think”, në karrierën e saj prej disa dekadash ka fituar 18 herë çmimin prestigjoz amerikan të muzikës Grammy.
Aretha Louise Franklin lindi më 25 mars 1942 në Memfis. Ajo ishte këngëtare, kompozitore dhe pianiste. Atë e kanë cilësuar gjatë karrierës së saj muzikore si “First Lady of Soul” dhe “Queen of Soul”.
Ndërsa ish presidentin Bill Clinton duket se është impresionuar nga performanca e këngëtares Ariana Grande. E ndërsa 25-vjeçarja këndon, në video mund të shikoni reagimin e ish-presidentit. Ai shikohet të jetë shumë i emocionuar nga performanca, ndërsa në një moment është kapur duke lëpirë buzët.
