Zëdhënësja e Partisë Demokratike Silvi Bardhi ka nxjerrë një video ku shfaqet kreu i grupit parlamentar Taulant Balla që i shkel syrin Presidentes kroate Kolinda Grabar Kitaroviç.
Pasi përfundoi fjalën e saj drejtuar deputetëve dhe shqiptarëve nga parlamenti, kryetari i Kuvendit Gramoz Ruçi e udhëhoqi presidenten kroate përmes sallës, duke i prezantuar krerët e grupeve parlamentare.
Fillimisht Kitaroviç u ndal disa sekonda me Edmond Spahon, më pas vijoi me Taulant Ballën dhe më pas tek kreu i PD-së Basha, e nga LSI-së takoi kryetaren Monika Kryemadhi dhe Luan Ramën.
Por zëdhënësja e PD-së ka shkëputur një moment gjatë takimit të presidentes së Kroacisë me Ballën, ku ky i fundit i shkel syrin në shenjë përshëndetje, ose ngacmimi.
“Kur të shkel syrin “Toyota Yaris”, integrimit vëri vizën!”, shkruan Bardhi.
