Një video e frikshme e ISIS është shpërndarë me shpejtësi në internet, ku kërcënimet vijnë nga një fëmijë 11-vjeçarë. Ai kërcënon se do t’iu këpusë kokën armiqve të tij. Videoja është realizuar pak kohë para se ai bashkë me vëllain e tij të përplasnin një makinë policie në Çeçeni.
Mukhamad-Amin Akhmatkhanov shihet me një thikë në dorë dhe thotë se: “qëllimi është të ngrejë sa më lart flamurin e Allahut, duke derdhur gjak”.
11-vjeçari dhe vëllai i tij 17-vjeçar Elakh u vranë nga policia pak kohë më vonë pasi kishin sulmuar një Mercedes të policisë në qytetin Grozny.
Pamjet dramatike kur dy të miturit shpërthejnë makinën, të cilën e drejtonte Elakh Akhmatkhanov dhe më pas vrapojnë drejt një rruge të bllokuar. Ata fshihen në një cep dhe godasin për vdekje një polic. Më pas godasin edhe një automjet të policisë duke plagosur tre persona, mes tyre edhe një grua.
Pasi nuk iu përgjigjën thirrjeve të policisë për tu dorëzuar, ata u qëluan për vdekje.
