“Metal Storm”, është mitralozi me fuqinë më të madhe të zjarrit sot në botë. Ai arrin të realizojë 16.000 të shtëna në sekondë, ose rreth 1 milionë të tilla në minutë. Kjo armë automatike, është zhvilluar nga një kompani e armëve nga Australia me të njëjtin emër, me seli në Brisbejn. Kjo armë thyen deri më sot të gjithë rekordet për shpejtësinë që ka.
Megjithatë përdorimi praktik i saj ka rezultuar problematik. Për shkak të sasisë së pazakontë të municioneve që shkarkon në një sekondë, arma e prodhuar fillimisht në 6 mijë ekzemplarë, dëmtohet shpesh, duke pasur nevojë për riparime. Kompani madje zhvilloi 4 nën-variante të “Metal Storm”, me njërin prej tyre që arrinte të qëllonte deri me 1.6 milionë predha në minutë, duke krijuar një mur të dendur me 24.000 predhash në zonën e shënjestruar.
Por sërish problemet pas disa përdorimesh, bënë që kjo armë të mos futej në përdorim nga ushtria amerikane, që ishte klientja kryesore e supozuar e kompanisë australiane. Shitjet e pakta, e detyruan kompaninë të shpallte falimentimin në vitin 2009.
