Autoritetet në Filipine, kanë evakuuar të paktën 2000 persona në jug të Manilës, pas shpërthimit të vullkanit Taal, që çliroi gaz toksik duke rrezikuar seriozisht jetën e banorëve.
I vendosur në mes të një liqeni, vullkani Taal ka çliruar dioksid squfuri prej disa ditësh, duke krijuar një mjegull të trashë mbi qytetin Manila dhe rrethinat përreth saj, shkruan Al Jazeera.
Të paktën 2,400 njerëz kanë ikur deri më tani nga kjo zoë, që nga momenti kur qeveria bëri thirrje për evakuim të fshatrave në brigjet e liqenit, i tha agjensisë së lajmeve zyrtari zyrtar i katastrofës Joselito Castro.
“Ne presim që më shumë banorë të evakuohen gjatë ditëve të ardhshme,” tha ai, duke shtuar se ata po kërkonin strehim ose në shkolla të mbyllura nga pandemia e koronavirusit ose në shtëpitë e të afërmve.
Taal është një nga vullkanet më aktive në Filipine, për shkak të vendndodhjes së tij në “Unazën e Zjarrit” të Paqësorit, një zonë e aktivitetit intensiv sizmik.
Zyrtarët e mbrojtjes civile kanë paralajmëruar se në rastin më të keq të mundshëm, mbi 317,000 njerëz mund të preken nga gazi toksik që çlirohet prej shpërthimit të vullkanit.
