“Meqë e kanë me kaq merak le ta bëjnë që tani koalicionin, ne nuk kemi asnjë merak”, është shprehur kreu i LSI Petrit Vasili lidhur me idenë e koalicionit PD-PS.
Vasili i ftuar në emisionin “Opinion” ka thënë se nga LSI nuk ka asnjë merak lidhur me marrëveshjen, e cila po bëhet pas krahëve. Ai ka ripohuar se LSI do të dalë forcë e parë.
Gjithashtu, ai ka ironizuar edhe fshehtësinë e bisedimeve të kohëve të fundit duke i quajtur ato si “dashuri prapa mureve”.
“Ta bëjnë hapur koalicionin, se po e bëjnë si një dashuri që bëhet prapa mureve” tha Vasili
Kjo deklaratë është bërë në kuadër të qëndrimeve politike që kanë mbajtur të dy partitë e mëdha pas marrëveshjes së bërë për zgjedhjet e 25 qershorit.
