Një fëmijë 5-vjeçar ka shpëtuar për mrekulli teksa për pak sa është mbytur në një pishinë. Ngjarja ka ndodhur në qytetin e Serra, në Brazil.
Vogëlushi ka ikur nga pishina për fëmijë duke u futur në atë të të rriturve. Siç duket edhe në video, ai nuk ka mundur më të dalë, duke qëndruar pa frymë për disa sekonda.
Personat e tjerë që ndodheshin në pishinë as që e kanë kuptuar fare që ai po mbytej. Fatmirësisht, incidenti është kuptuar nga roja e pishinës që ka parë nëpërmjet kamerave të sigurisë gjithçka dhe ka ndërhyrë për të shpëtuar në kohë djalin.
