https://www.facebook.com/tiranatodaycom/videos/314139932364084/
Petrit Vasili ka dalë në një konferencë për shtyp, ku ka komunikuar dorëheqjen e tij nga kreu i LSI-së.
Vasili u shpreh se LSI ka një mision të ri që kërkon një qasje të madhe, ndërsa shtoi se në mbledhjen e shtabit ka propozuar kryetare të LSI-së, deputeten Monika Kryemadhi.
Gjithashtu, Vasili njoftoi që ka propozuar zëvendëskryetar Luan Ramën dhe nënkryetare Erisa Xhixhon, si dhe tha se mbledhja e konventës së LSI do të mbahet të mërkurën e ardhshme.
FJALA E VASILIT:
Jemi në këtë komunikim pas mbledhjes së kryesisë së LSI, duke qenë që kryesia mori në shqyrtim rezultatet e fundit dhe situatën pas elektorale, jam këtu për t’ju kom dy elemente që janë thelbi i vendimeve që u morën në këtë mbledhje.
Së pari, kam një falendërim shumë të madh për rreth 230 mijë votues të jashtëzakonshëm dhe misionarë të LSI-së të cilët dhanë votën për të shënuar një rezultat shumë të suksesshëm të LSI-së, si forca e vetme që opati një rritje kaq të madhe, falë mijëra votuesve që votuan kundër strategjisë së krimit elektoral, kundër shitblerjes së votës, kundër strategjisë së presionit, që votuan kundër tronditjes së bursave për shkak të dhjetëra miliona eurove të derdhura për të blerë votat.
Dhjetëra dhe qindra mijëra vota i ngarkuan LSI-së misionin e opozitës, në mbështetje të qytetarëve, në mbështetje të vegjëlisë dhe jo të oligarkisë.
Kryesia e LSI-së analizoi këtë pozicion të ri, do vijojë me intensitet të lartë puna e nisur, dhe vendosi strukturimin dhe mënyrën e riorganizimit të LSI-së, e cila vendosi t’u japë shqiptarëve opozitë të vërtetë, pasi Shqipëria prej 4 vitesh nuk ka pasur opozitë.
Kam vendosur të jap dorëheqjen si kryetar i LSI dhe ia kam paraqitur strukturave të LSI-së.
Për kualitetin politik që është lidhur gjithnjë me qytetarët dhe si një shkak më madhor, Kryemadhi ka qenë politikane aktive, e cila ka mbajtur një distancë të duhur . I kam propozuar që nënkryetari të jetë Luan Rama, një vlerë e politikës shqiptare dhe kam propozuar Erisa Xhixho si nënkryetare e LSI-së.
Për të gjitha këto vendime të mëdha, kërkova mbledhjen e konventës së LSI që do mbahet të mërkurën e ardhshme, e cila do marrë këto vendime të rëndësishme. LSI është fituese morale e këtyre zgjedhjeve, Konventa do vlerësojë punën dhe rezultatin LSI në zgjedhje. Nuk mund të presim shtatorin që të marrim përgjegjësitë e para, LSI do bëjë atë opozitë që ruajnë qeveritë nga degradimi.
Fatkeqësisht qeveria ra, ringritja e një qeverie të re është misioni i LSI-së./ Tirana Today
