Takimin e parë për vitin 2019 me Kabinetin, Presidenti Amerikan Donald Trump e shfrytëzoi për tu tallur me kryeministrin indian. Kjo pasi ky i fundit ka financuar një librari në Afganistan.
Sipas Trump ky është një shpenzim i panevojshëm në një kohë kur vendi është në luftë. Por veç Indisë, ai nuk nguroi të kritikonte edhe shtete të tjera si Rusia, Pakistani se nuk janë duke bërë sa duhet për sigurinë e kombit.
Duke marr si shembull kryeministrin indian Narendra Modi, Trump shtoi se liderët botërorë janë duke u “mburrur” për kontribute, të cilat sipas tij as nuk i afrohen “miliarda dollarëve” të shpenzuara nga Amerika.
“Unë kam një marrëdhënie shumë të mirë me Indinë dhe kryeministrin Modi. Por, ai vazhdimisht më thotë se ka ndërtuar një librari në Afganistan. Një librari. Kjo është sa pesë orë që ne shpenzojmë në Afganistan. Modi është shumë i zgjuar.
Çfarë pritet, që ne t’i themi, faleminderit për bibliotekën?! Edhe pse unë nuk e di se kush e përdor librarinë në Afganistan,” u shpreh me nota ironie Trump.
India ka qenë e përfshirë në mënyrë aktive në përpjekjet e rindërtimit të Afganistanit të shkatërruar nga lufta. Ajo ka financuar rreth 3 miliardë dollarë ndihmë të Afganistan, pasi forcat e udhëhequra nga SHBA rrëzuan regjimin taleban pas sulmeve të 11 shtatorit 2001./ Përshtati: Tirana Today, Burimi: BBC
