Një shitës ambulant në Spanjë, ka goditur me thikë një polic i cili tentoi t’i sekuestronte mallin që ai po shiste.
Polici Antonio Garrido ka marrë 3 goditje me thikë nga një shitës i palicensuar, i cili u nevrikos shumë në momentin që policia po i merrte karrocën e tij, ku ai mbante mallin.
Ngjarja ka ndodhur në një plazh në Huelva, në jugperëndim të Spanjës. Siç duket edhe nga videoja, është dashur ndërhyrja e policëve të tjerë që të neutralizonin shitësin dhe ti hiqnin thikën nga dora.
Shitësi goditi policin pasi ai po i merrte pijet dhe ushqimet që ai shiste. Ngjarja e tmerrshme ndodhi para turistëve të shumtë.
