Mesfushori i Arsenalit, Mesut Ozil, ka rënë pre e një tentative për t’i vjedhur makinën, nga një grup personash të armatosur me thikë.
Por për fatin e tij të mirë, teksa grabitësit po tentonin të merrnin makinën, shoku i tij skuadrës Sead Kolašinac doli nga makina dhe u përball me grupin, teksa Ozil vrapoi tek një restorant aty afër.
Dëshmitarët thanë se Ozil dukej i tmerruar, ndërsa nga pamjet filmike mund të shihet shoku i tij Kolasinac i cili po përballej me grabitësit, të cilët ishin të veshur me të zeza dhe mbanin maska në kokë.
Më pas, kamarierët dhe kuzhinierët e restorantit afër vendngjarjes i dolën në ndihmë futbollistëve, duke e detyruar grupin të tërhiqej duarbosh.
Një nga dëshmitarët e pranishëm tha se makina e Ozil, me vlerë 100 mijë dollarë, me ngjyrë ari u la në mes të rrugës me derën e shoferit të hapur, deri në momentin që erdhi policia dhe bllokoi zonën e krimit./Tirana Today
