Një sherr masiv ka nisur në Superligën e Serbisë, ku po luhej sfida mes Metalacit dhe Batçkës, takim i cili përfundoi me fitoren e të zotëve të shtëpisë, me rezultatin 2-0.
Gjatë pjesës së parë së ndeshjes, Markoviç i Batçkës mbetet i shtrirë në fushë dhe lojtarët e kësaj skuadre kërkuan ndërprerjen e lojës, në mënyrë që ai të merrte ndihmën e nevojshme.
Mirëpo, një nga lojtarët e skuadrës kundërshtare, Gërboviç, ka përfituar nga ky rast duke vijuar lojën dhe duke shënuar një gol.
Ky është edhe momenti që nis gjithçka, pasi menjëherë pas golit, lojtarët e Batçkës e ndjekin Gërboviç përgjatë fushës, duke e goditur me shkelma e grushte. Kjo ka çuar në nisjen e një sherri masiv në fushë mes lojtarësh, teksa 4 prej lojtarëve morën kartona të kuq, ndërsa trajneri i Batçkës u nxor jashtë stolit.
Më pas në minutën e 87-të, vendësit shënojnë dhe golin e dytë.
