Kurora e gjelbër në kodrat e qytetit të Laçit nuk është më si më parë.
Zjarri i një dite më parë thuajse ka shkrumbuar gjithçka, duke lënë njollën e zezë nga zjarri, një qytet që krenohej kurorën e pishave të gjelbra dhjetëra vjeçare, dhe pelegrinët shijonin mrekullitë e natyrës, tashmë duhen shumë kohë të rinovohen.
Një ditë më parë zjarri ka përfshirë pishat pranë Kishës së Shna Ndout dhe më pas është përhapur në tërë perimetrin e kodrave të qytetit duke krijuar një situatë mjaft të rënduar, zjarri është afruar shumë banesave duke rrezikuar dhe jetë njerëzore.
Mënyra e organizimit të kreut të bashkisë së Kurbinit, Artur Bardhi me forcat zjarrfikëse, ato të Policisë Bashkiake dhe të ushtrisë kanë vënë nën kontroll zjarrin rreth orës tre të mëngjesit.
Banorët janë rikthyer në banesa, pas trishtimit nga rreziku që kanosej nga zjarret.
Kryebashkiaku dhe institucionet e tjera vendore tashmë kanë organizuar administratën për të mbajtur nën kontroll situatën, nga ndonjë tjetër rrezik nga rënia e zajrreve.
Pritet të zbardhen dhe dëmet si dhe shkaktarët e kësaj ngjarje të rëndë nga zjarret që përfshinë kurorën e gjelbër me pisha në Laç.
Nga Ahmet Zani
