Mediat braziliane kanë publikuar videon e ekzekutimit të shqiptarit Ilir Zelka, ngjarje e ndodhur mëngjesin e së mërkurës (2 dhjetor). Në video, shihet një person i veshur me të kuqe, zbret nga motori me kokore në kokë, afrohet pranë lokalit ku ishte Zelka.
Sapo sheh 47-vjeçarin e ulur në karrige, ai nxjerr armën dhe qëllon katër herë në drejtim të tij, duke e lënë të vdekur.
Më pas, braktis motorin dhe largohet nga vendi i ngjarjes. Kamerat e sigurisë kanë filmuar gjithçka, por për shkak të kokores që autori kishte në kokë, do të jetë shumë e vështirë që të identifikohet.
Shqiptari, Ilir Zelka ka qenë pronar i një biznesi në Çeki, por edhe pse që prej datës 9 mars kishte hequr dorë si ortak, kompania mban ende emrin e tij. Kjo ngjarje është e mbuluar me mister. Viktima nuk është i njohur në fushën e krimit, ose të paktën deri më tani, ende nuk është zbardhur diçka e ‘errët’ për të shkuarën e tij.
