Çlirimi i Karabak/ Erdogan do marrë pjesë në “Paradën e Fitores” në Azerbajxhan

Presidenti turk, Rexhep Tajip Erdogan do të udhëtojë në kryeqytetin e Azerbajxhanit, Baku, për të zhvilluar bisedime zyrtare dhe për të marrë pjesë në festimet e fitores me homologun e tij azer javën e ardhshme.

Erdogan do të jetë në Baku në 9-10 dhjetor, ku sipas mediave turke ai do të marrë pjesë në procesionin ushtarak për të shënuar fitoren e Azerbajxhanit në çlirimin e rajonit të Nago-Karabak, e cila zotërohej nga armenët.

Ai pritet të diskutojë çështje bilaterale dhe rajonale, duke përfshirë krijimin e qendrës së vëzhgimit me Rusinë për të monitoruar armëpushimin, detyrat e trupave turke dhe marrëdhëniet ekonomike, me Presidentin e Azerbajxhanit Ilham Aliyev.

Ankaraja i ka ofruar mbështetje të fuqishme Azerbajxhanit, gjatë luftës disa javore me Armeninë, për rajonin e Nagorno Karabakut. Lufta përfundoi me 10 nëntor, pasi u arrit një marrëveshje armëpushimi, të cilët e ndërmjetësoi Rusia.

Vizita e planifikuar, është e para nga një president i huaj në Baku, që nga fillimi i armëpushimit.