Një shpërthim masiv ka tronditur ditën e sotme Bejrutin. Shpërthimi ka qenë aq i madh saqë ka shkatërruar ndërtesat që ndodheshin afër, duke ngritur edhe një re të madhe mbi horizontin e qytetit.
Raportimet e para tregojnë se shpërthimi ishte përqendruar në portin e kryeqytetit libanez.
Pasgoditja u ndje deri larg në malet e Bejrutit, të paktën 21 km larg vendit ku ndodhi. Shpërthimi ishte aq i fortë sa dyert dhe dritaret e ndërtesave në të gjithë vendin janë shkatërruar.
Explosion in Beirut Lebanon #لبنان pic.twitter.com/bXYgezjZPP
— alifawaz (@afawaz135) August 4, 2020
Ministri i Shëndetësisë në Liban, Hamad Hasan tha se shpërthimi ka shkaktuar një “numër shumë të madh të të lënduarve” dhe dëme të mëdha materiale.
Agjencia e lajmeve AFP, duke cituar një burim të sigurt, raporton se “dhjetëra” persona janë lënduar, por sipas saj ky numër mund të jetë në qindra.
“Pashë një zjarr dhe tymi që ngrihej lart në qytetit. Njerëzit ishin duke bërtitur dhe vrapuar, të gjakosur. Ballkonet e ndërtesave u hodhën në erë. Xhamat e ndërtesave të larta u thye dhe ra në rrugë”, tha një dëshmitar për Reuters.
