Drejtuesi i emisionit investigativ, Saimir Kodra ka bërë një deklaratë të fortë duke iu referuar incidentit para parlamentit të kryeministrit Rama me gazetarët.
I ftuar në emisionin e Rudina Dembaçaj “Mos i fol shoferit”, Kodra deklaroi se po të kishte qenë i pranishëm, do i kishte gjuajtur Ramës me mikrofon, ose do e kishte sharë atë.
“Unë e kam thënë edhe në emision që atë ditë, me Gentin në ‘Stop’ që gjeti ata gazetarët që ishin aty. Unë nuk jam as ndonjë trim, as ndonjë gangster, as më i forti as më i dobëti. Por unë po të kisha qenë me mikrofon aty do ta gjuaja ose do ta shaja, nuk mund të rrija indiferent ashtu. Këta gazetarët që ishin atje, që janë profesionistë e të nderuar, ndoshta janë mësuar me mënyrën arrogante të tij dhe e anashkaluan. Por nuk duhet të kishin anashkaluar thelbin, jo atë që tha aty,” tha Kodra.
Kujtojmë që gjuha e kryeministrit Rama ndaj gazetarëve shkaktoi reagime të shumta, teksa kreu i qeverisë iu drejtua atyre me një “lumë” ofendimesh, si: Jeni të paditur, jeni injorantë, lexoni, nuk dini ç’thoni, media kazani etj.
