Conte i jep një leksion mjaft të mirë Manchester United të Mourinhios. Ata kanë arritur të mposhtin në “Stamford Bridge” me rezultatin e ngushtë 1-0 dhe të shkurtojnë diferencën mes tyre. Goli i vetëm i kësaj sfide u shënua nga sulmuesi spanjoll Alvaro Morata, i cili shënoi një gol mjaft të bukur.
Ishte një ndeshje mjaft e bukur e cila u luftua deri në momentin e fundit, por fatkeqësisht prodhoi vetëm një gol. Të dyja ekipet luftuan në çdo moment dhe krijuan shumë raste, por nuk arritën ti shfrytëzonin. Edhe portierët ishin në një lartësi mjaft të mirë duke bërë disa pritje të mrekullueshme. Në këtë ndeshje më shumë dominoi Chelsea të cilët arritën të fitoni por edhe të kishin në favor statistikat.
Nga kjo fitore Chelsea vazhdon të mbajë vendin e katër me 22 pikë, ndërsa United mban vendin e dytë me 23 pikë. Ekipi më i fituar në këtë mes ishte Manchester City i Guardiolas i cili krijoi një diferencë prej 8 pikësh me vendin e dytë, duke filluar një shkëputje të madhe e duke siguruar shanset më të mëdha për të fituar kampionatin. Chelsea vinte nga një moment mjaft i vështirë pasi u mposht në mesjavë edhe në Champions League nga Roma, kjo fitore i rikthen ata në një formë më optimale. Ndërsa Manchester United pëson humbjen e dytë në kampionat dhe ia shkakton ish ekipi i Mourinhos, por më interesante kjo përballje u bë pas replikave në distancë që kishin dy trajnerët në javët e fundit.